عـلآمـك يـآبـح ـر غـآضب... عـلآمـك تصـ ـرخ بكتمـآن }

\
أنا يابحر ماجيتك فاضي ولــ مشاهدك شفقان
أنا جيتك أبي أنسى اليأس وهمـــــوم تباريني
~~~
على شانك أنا جالس أسامر موجك الغضبـان
وأسولفله عن أوجاعى وعناي وغربة سنيني
~~~
علامك يابحر غاضب علامك تصرخ بـكتمان
أنا جيتك أبي أشكي وأبي منـك تواسيني
~~~
أنا جيتك أبي أوصف لك عذاب أتعب الوجدان
عذاب رافــق ايــــــامـــــي وعيـا لا يخلينـي
~~~
أنا مثلك بحر لكن وسط نفسـي أنا غرقان
تعبت أبحر مع نفسي وأنشدهــا أنا ويني ..؟؟
~~~
أنا مليت من حزني وتعبت أبحث عن السلوان
ولا ظنيت به شيٍ عن أحزاني يسلينـي
~~~
أنا محتــار في فكري مع نفسي أنا حــيران
أنا الأقدار أفهمهــا وهي تجهــل مضاميني ..!!
~~~
أحس إن الحزن عالم بحور وصخر ووديان
وتخيل يابحر حجمـه إذا كلـه سكــن فيني ..!!
~~~
تصدق أن حزن هـ الكون تجمع بــ كيان إنسان
وتصدق مابقى بــ الكون حــزن ماسكن فينــي
~~~
تدري إن الحزن لو غاب وراح لأخر الأوطان
يغيـب ويرتحل لحظــات ويــرجع يستقر فينـي
\
/

قصيدهـ رائعه
يسلموو
ودي